Xalq deputatlari Oltinsoy tuman Kengashining 25-"Katta Vaxshivor" saylov okrugidan saylangan deputat Jabbarov Jamshid Adashovich tomonidan Xalq deputatlari Oltinsoy tuman Kengashining 2026-yil
5-martdagi VII-16-13-8-108-K/26-son qarori ijrosi yuzasidan deputatlik nazorati amalga oshirildi. 

Mazkur qaror ijrosini ta’minlash, hududlarda olib borilayotgan obodonlashtirish, infratuzilmani rivojlantirish hamda belgilangan vazifalarning amaldagi ijro holatini o‘rganish maqsadida "Katta Vaxshivor" mahallasida nazorat-tahlil tadbiri tashkil etildi. 

Tadbirda Xalq deputatlari Surxondaryo viloyati Kengashi deputati A.Oripov, Xalq deputatlari Oltinsoy tuman Kengashi kotibiyati bosh mutaxassisi I.Roziqov, mahalla faollari va ko‘cha boshilari ishtirok etdi. 

O‘rganish davomida qarorda belgilangan topshiriqlarning ijro holati atroflicha tahlil qilinib, aniqlangan kamchiliklarni bartaraf etish hamda hududda amalga oshirilayotgan obodonlashtirish va bunyodkorlik ishlarini
jadallashtirish yuzasidan tegishli tavsiya va takliflar bildirildi. 

Deputat tomonidan qarorlar ijrosi ustidan tizimli deputatlik nazoratini amalga oshirish, saylovchilar manfaatlarini himoya qilish hamda hududlarni kompleks rivojlantirishga qaratilgan ishlar izchil davom ettirilishi ta’kidlandi.