Xalq deputatlari Bo‘stonliq tumani Kengashining 2026-yilga mo‘ljallangan ish rejasiga muvofiq navbatdagi sessiya kun tartibiga kiritilgan “Ayollar daftari”ga kiritilgan xotin-qizlarni qo‘llab-quvvatlash bo‘yicha amalga oshirilayotgan ishlar Kengash raisi O.Babayev tomonidan tumanning “Dumaloq” mahallasida o‘rganish olib borildi.

O‘rganish davomida xotin-qizlar faoli N.Axinova tomonidan “Ayollar daftari”ga kiritilgan xotin-qizlarning ijtimoiy muhofazasini kuchaytirish, ularning muammolarini manzilli hal etish, turmush sharoitini yaxshilash hamda davlat tomonidan belgilangan qo‘llab-quvvatlash choralari bo‘yicha olib borilayotgan ishlar tahlil qilindi.

Xususan, uy-joyini ta’mirlashga muhtoj bo‘lgan xotin-qizlarga ko‘rsatilayotgan amaliy yordam holati, ajratilgan mablag‘lar va amalga oshirilayotgan ta’mirlash ishlari yuzasidan muhokama o‘tkazildi. Aniqlanishicha tuman bo‘yicha “Ayollar daftari”ga kiritilgan jami 4400 nafar xotin-qizlarning 3-toifasidagi 63 nafariga uy-joylarini ta’mirlash bo‘yicha belgilangan ishlar boshlanmagan.

Mazkur yo‘nalishda amaliy chora-tadbirlarni yanada jadallashtirish zarurligi ta’kidlanib, ushbu masala navbatdagi sessiya kun tartibiga kiritilib, mutasaddi tashkilotlarga aniq vazifalar yuklatilishi belgilab olindi.