Xalq deputatlari Parkent tuman Kengashiga 15-“Beshkappa” saylov okrugidan saylangan deputat, tuman Kengashi kotibiyati mudiri Berdiqulova Mavluda Tojiddinovna hamda 20-“Ulug‘bek” saylov okrugidan saylangan deputat Sultonov Azimjon O‘ktam o‘g‘li biriktirilgan tashkilot —O‘zbekiston Respublikasi Prezidentining Parkent tumanidagi Xalq qabulxonasi bilan hamkorlikda ish olib bordi.Tadbirda tuman Kengashi kotibiyati bosh mutaxassisi D.Mirzayev ham ishtirok etdi.Hamkorlik doirasida tumanda jismoniy va yuridik shaxslarning murojaatlari bilan ishlash, fuqarolar tomonidan ko‘tarilayotgan muammolarni o‘rganish, ularni tegishli tashkilotlar bilan hamkorlikda hal etish hamda murojaatlarning qonuniy yechimini ta’minlash borasida amalga oshirilayotgan ishlar muhokama qilindi.Muloqot davomida fuqarolar murojaatlarini o‘z vaqtida
qabul qilish, ularni belgilangan tartibda ko‘rib chiqish, murojaatlarda ko‘tarilgan masalalarni chuqur o‘rganish va amaliy yechim topishga qaratilgan ishlarni yanada kuchaytirish masalalariga alohida e’tibor qaratildi.Shuningdek, bevosita muloqot jarayonida Xalq qabulxonasiga pensiya masalasi yuzasidan murojaat bilan kelgan fuqaroga deputatlar hamda Budjetdan tashqari Pensiya jamg‘armasi Parkent tuman bo‘limi
mutaxassisi hamkorligida tegishli huquqiy tushuntirishlar berildi.Uchrashuvda aholi murojaatlarida ko‘tarilayotgan muammolarni tizimli tahlil qilish, ularning kelib chiqish sabablarini aniqlash,mas’ul tashkilotlar bilan hamkorlikda muammolarni bartaraf etish va ijrosini nazoratga olish muhimligi ta’kidlandi.Kelgusida ham deputatlar o‘zlariga biriktirilgan tashkilotlar bilan hamkorlikni yanada kuchaytirib, aholi murojaatlarini o‘rganish, fuqarolarning qonuniy manfaatlarini himoya qilish hamda muammolarni joyida hal etishga qaratilgan ishlarni izchil davom ettirishga kelishib olindi.