Hurmatli deputatlar!

Hududlarda aniqlanayotgan ichki yo‘llar, yoritish, bolalar maydonchalari, obodonlashtirish va boshqa infratuzilmaga oid muammolarni endilikda sheriklik asosida moliyalashtiriladigan loyihalar orqali ham hal etish mumkin.
Mazkur mexanizm O‘zbekiston Respublikasi Budjet kodeksi hamda "Ochiq budjet" tizimi faoliyatini tartibga soluvchi normativ-huquqiy hujjatlar asosida amalga oshiriladi.
Bunda loyiha mahalla aholisi bilan kelishilgan holda "Ochiq budjet" portaliga kiritiladi. Aholi, tadbirkorlar va homiylarning ixtiyoriy mablag‘lari shakllantirilgach, qolgan qismi davlat budjeti hisobidan moliyalashtirilishi hamda loyiha ovoz berish bosqichisiz amalga oshirilishi mumkin.
Hududingizdagi dolzarb muammolarni o‘rganib, ushbu imkoniyatdan samarali foydalanishingizni so‘raymiz.

Eslatma: "Tashabbusli budjet" doirasida loyihalarni kiritishning oxirgi muddati — 2026-yil 3-avgust.

Imkoniyatni qo‘ldan boy bermaylik — mahalla ravnaqi uchun birlashaylik!