Xalq deputatlari Yunusobod tumani Kengashi deputati Kashkarov Oleg Romavichga “Usta shirin” mahallasi fuqarosi tomonidan yo‘l infratuzilmasiga oid murojaat kelib tushdi.

🔎Murojaatda Iftixor va A. Po‘lat ko‘chalari kesishmasida joylashgan kanalizatsiya qudug‘i qopqog‘ining nosoz holati qayd etilgan. Qopqoqning asosiga zich yopishmasligi oqibatida transport vositalari harakatlanishi vaqtida kuchli shovqin yuzaga kelayotgani hamda mazkur hududdagi quduqni ta’mirlash, zaruratga ko‘ra uni qayta o‘rnatish lozimligi bildirilgan.

📝Fuqaroning ma’lum qilishicha, ushbu masala yuzasidan Yunusobod tumani hokimligiga avval ham murojaat qilingan bo‘lsa-da, hozirga qadar muammo o‘z yechimini topmagan.

🤝Mazkur murojaat deputat tomonidan deputatlik nazoratiga olindi. Holat joyiga chiqib o‘rganiladi hamda mas’ul tashkilotlar bilan hamkorlikda muammoni bartaraf etish yuzasidan tegishli choralar ko‘riladi.

Bizni kuzatishda davom eting!