Shu munosabat bilan Xalq deputatlari Termiz shahar Kengashining 24-«Abdurahmon Jomiy» saylov okrugi deputati A.Tog‘aymuratov hamda Kengash kotibiyati bosh mutaxassisi A.Temirov Termiz shahridagi «Abdurahmon Jomiy» mahallasida bo‘lib, mahalla faollarining bugungi kunda amalga oshirayotgan ishlari yuzasidan nazorat-tahlil tadbirlarini olib bordilar.
O‘rganish jarayoni mahalliy Kengash deputatlari faoliyatining ustuvor yo‘nalishlari sifatida belgilangan «24 ta eng muhim yo‘nalish» mezonlari asosida tashkil etildi. Dastlab O‘zbekiston Respublikasi Prezidentining 2026-yil 24-iyundagi PF–116-sonli “Mahalla boshqaruvini samarali tashkil etishga oid qo‘shimcha chora-tadbirlar to‘g‘risida”gi Farmoni talablari ijrosi yuzasidan mahallada amalga oshirilayotgan ishlar atroflicha tahlil qilindi.
Monitoring davomida mahalla faollarining aholi murojaatlari bilan ishlash, fuqarolarning ijtimoiy muammolarini hal etish, kambag‘allikni qisqartirish, aholi bandligini ta’minlash, yoshlar va xotin-qizlarni qo‘llab-quvvatlash, hududni obodonlashtirish hamda mahalla infratuzilmasini rivojlantirish borasidagi faoliyati o‘rganildi.
Shuningdek, mahallada olib borilayotgan ishlarning natijadorligi yuzasidan mas’ullar bilan fikr almashilib, mavjud muammolarni bartaraf etish, Farmon talablarining to‘liq va sifatli ijrosini ta’minlash hamda mahalla boshqaruvi samaradorligini yanada oshirish bo‘yicha tegishli tavsiya va takliflar berildi.
Deputatlik nazorati tadbirlari davomida qonun hujjatlari ijrosini ta’minlash, mahalla institutining rolini yanada kuchaytirish hamda aholining farovonligini oshirishga qaratilgan ishlarni izchil davom ettirish muhim vazifa ekani alohida ta’kidlandi.