2. Sessiyanıń kún tártibine tómendegi
máseleler usınıs etilsin: 

2.1. Qanlıkól rayonı Ádillik
bólimi tárepinen rayon dárejesindegi mámleketlik organları hám shólkemlerdiń
huqıq norma dóretiwshiligi hámde huqıqların qollap quwatlaw ámeliyatı hámde
aymaqta huqıqıy úgit-násiyatlaw jumısları boyınsha málimlemesin tıńlaw  

2.2. Qanlıkól rayonı medicina
birlespesi baslıǵı tárepinen aymaqta densawlıqtı saqlawdı rawajlandırıwǵa
tiyisli mámleketlik dástúrlerdiń orınlanıwı, kesellikler profilaktikasınıń
jaǵdayı, salamat turmıs tárizin hám tuwrı awqatlanıwdı qáliplestiriw, sonıń
menen birge densawlıqtı saqlawdıń tiykarǵı kórsetkishleri haqqında 2026-jıl
I-yarım jıllıǵında ámelge asırılǵan jumısları boyınsha esabatın tıńlaw.  

2.3. Ózbekstan Respublikası
Prezidentiniń Qanlıkól rayonındaǵı Xalıq qabıllawxanası tárepinen aymaqtaǵı
mákeme, shólkem basshılarınıń iskerligi, múrájatlar menen islesiwi boyınsha
kiritilgen maǵlıwmatları haqqında málimlemesin tıńlaw.  

2.4. Qanlıkól rayonı jergilikli
byudjetiniń optimizaciyalanǵan qarjıların jóneltiriw muǵdarların tastıyıqlaw
haqqında. 

2.5. Qanlıkól rayonında awıl hám
suw xojalıǵı infrastrukturasın rawajlandırıw, sonıń ishinde, suwǵarıw
sistemaların jaqsılaw, zamanagóy suwdı únemleytuǵın suwǵarıw texnologiyaların
engiziw, jer maydanların jańadan ózlestiriw hám qayta paydalanıwǵa kirgiziwge
qaratılǵan awıl xojalıǵı tarawındaǵı eń sońǵı ilimiy jańalıq hám innovaciyalıq
kóz qaraslardı engiziw ilajların qarjılandırıw haqqında. 

2.6. Qanlıkól rayonı Abadanlastırıw basqarması
tárepinen oraylıq kósheleri boyındaǵı isbilermenlik subektleri menen dúzilgen
shártnama tiykarında shıǵındılardı alıp shıǵıw hám aymaqlardı abadanlastırıw
xızmetin kórsetiw boyınsha tariflerin tastıyıqlaw haqqında. 

2.7. Qanlıkól rayonı Ayrıqsha jaǵdaylar bólimi
tárepinen 2026-jıl II-sheregi dawamında
ámelge asırılǵan jumısları haqqında. 

2.8. «Infrastruktura hám
sociallıq turaqlılıq» qorı qarjıları esabınan Qanlıkól rayonındaǵı Inklyuziv
bilimlendiriw engizilgen Qanlıkól rayonındaǵı ulıwma orta bilim beriw
mektebinde mayıplıǵı bolǵan balalar ushın qolaylı hám tosqınlıqsız ortalıq
jaratıw ushın ajıratılǵan qarjını tastıyıqlaw haqqında. 

2.9. Qanlıkól rayonında 2026-jıl
5-baslama olimpiadası sheńberinde ótkeriletuǵın ilajlardı joqarı dárejede
shólkemlestiriw maqsetinde Qanlıkól rayonı «Jaslar dápteri» fondınan qarjı
ajıratıw haqqında. 

2.10. Xalıq deputatları Qanlıkól
rayonlıq Keńesiniń 2026-jıl 29-iyun kúngi VII-25-79-13-186-K/26-sanlı
sheshimine ózgeris kiritiw haqqında. 

2.11. «Infrastruktura hám
sociallıq turaqlılıq» qorı qarjıları esabınan sociallıq reestrdegi mayıplıǵı
bolǵan hám miynetke jaramlı aǵzası bolmaǵan shańaraqdıń turaq jaylarınına
geliokollektor úskenesin ornatıw ushın ajıratılǵan qarjını tastıyıqlaw
haqqında. 

2.12. Qanlıkól rayonı hákimligi
janındaǵı «Infrastruktura hám sociallıq turaqlılıq» jamǵarması esabınan Jayxun
mákan puqaralar jıyını aymaǵındaǵı RPL-1 hám RPL-5 kanalların qazıw hám tazalaw
jımısları ushın qarjı ajıratıw haqqında. 

2.13. Qanlıkól rayonı hákimligi
janındaǵı «Infrastruktura hám sociallıq turaqlılıq» jamǵarması esabınan Máhállelerdegi xalıq tıǵız jaylasqan aymaqlar
hám kóshelerge videobaqlaw kameraların ornatıw ushın qarjı ajıratıw haqqında.