Xalq deputatlari Pastdarg‘om tuman Kengashi deputati tomonidan Mirzatup mahallasi Ziyolilar ko‘chasidagi ta’mirtalab elektr uzatish simyog‘ochlarini almashtirish hamda ularning o‘rniga zamonaviy temir-beton tayanchlar va kabel tarmoqlarini o‘rnatish masalasida yuborilgan deputatlik so‘roviga “Hududiy elektr tarmoqlari” AJ Samarqand hududiy filiali Pastdarg‘om tuman elektr ta’minoti korxonasi tomonidan rasmiy javob taqdim etildi.

Bildirilishicha, deputatlik so‘rovida ko‘tarilgan masala belgilangan tartibda o‘rganilib, Mirzatup mahallasi Ziyolilar ko‘chasidagi ta’mirtalab elektr uzatish tayanchlarini almashtirish ishlari 2026–2027-yillar manzilli dasturiga kiritish uchun taklif tayyorlangan.

Loyihaning moliyalashtirish manbasi aniqlanib, tegishli mablag‘lar ajratilgach, hududga zamonaviy temir-beton tayanchlar o‘rnatilishi hamda elektr tarmog‘i yangi kabel liniyalari bilan yangilanishi rejalashtirilgan.