Xalq deputatlari Qo‘qon shahar Kengashi deputati M.Mavlonqulov tomonidan Achchiqko‘l saylov okrugi tarkibidagi Achchiqko‘l mahallasida navbatdagi o‘rganish ishlari olib borildi.

O‘rganish davomida Xalqobod ko‘chasi, 25-uyda istiqomat qiluvchi oilaning yashash sharoiti, xonadon holati hamda uy-joyni ta’mirlashga bo‘lgan ehtiyoji mahalla faollari bilan birgalikda atroflicha ko‘zdan kechirildi.

Mazkur xonadonda olib borilishi lozim bo‘lgan ta’mirlash ishlari, jumladan uy-joyning mavjud holati, ustuvor ravishda talab etiladigan ta’mir yo‘nalishlari hamda oilaga amaliy yordam ko‘rsatish imkoniyatlari yuzasidan mas’ullar bilan fikr almashildi.

O‘rganish jarayonida fuqaroning turmush sharoitini yaxshilash, uy-joy ta’mirini belgilangan tartibda tashkil etish hamda ehtiyojmand oilaga ko‘mak berish borasida tegishli takliflar bildirildi.

Xalq deputatlari Qo‘qon shahar Kengashi