#Deputatlik_nazorati #Kotibiyat_hududlarda #24_ta_tavsiyaviy_savol #haftalik_ish_reja_ijrosi

TAQACHI MAHALLASIDA YOSHLAR UCHUN SPORT MAYDONCHALARINI YANGILASH MASALASI O‘RGANILDI

⚙️ Taqachi mahallasida jismoniy tarbiya va sport obyektlariga kiruvchi futbol hamda workout maydonchalarining holati o‘rganildi. O‘rganish davomida 22-ko‘p qavatli uy oldida hashar yo‘li bilan bunyod etilgan bolalar sport maydonchasi va workout hududi bugungi kun talablariga javob bermasligi, mavjud sharoitlarni yangilash va zamonaviylashtirish zarurligi aniqlandi.

🇺🇿 Mazkur masalani amaliy hal etish maqsadida xalq deputatlari Uchtepa tumani Kengashiga O‘zLiDePdan saylangan "11-Taqachi" okrugi deputati Dusmuxamedova Saodat Maxirdjanovna nomidan tuman Mahallalar uyushmasiga deputatlik so‘rovi yuborish belgilandi. Unda mazkur hududda zamonaviy futbol maydoni va workout maydonchasini barpo etish masalasini ko‘rib chiqish so‘raladi.

🗂 Ushbu ishlarni O‘zbekiston Respublikasi Prezidentining 2023-yil 21-dekabrdagi PF-209-son Farmoni hamda PQ-402-son qarorida belgilangan vazifalar va moliyalashtirish manbalari asosida amalga oshirish imkoniyatlarini ko‘rib chiqish belgilandi.

↗️ Mazkur tashabbus mahallada yoshlarni sportga keng jalb etish, ularning bo‘sh vaqtini mazmunli tashkil etish va sog‘lom turmush tarzini targ‘ib qilishga xizmat qiladi.

📆 Aniqlangan muammolar yuzasidan o‘rganishlar davom ettirilmoqda.