Keńes baslıǵı «Jańa Ózbekstan kórinisindegi máhálle» statusı berilgen máhállelerde alıp barılıp atırǵan ońlaw jumısları menen tanıstı.

✅ Shımbay rayonında xalıqtıń turmıs sharayatın jaqsılaw, aymaqlardıń infrastrukturasın jetilistiriw baǵdarında keń kólemli jumıslar ámelge asırılmaqta. Sonıń ishinde, rayondaǵı «Kókshi qala» mákan puqaralar jıyını aymaǵına «Jańa Ózbekstan kórinisindegi máhálle» statusınıń beriliwi máhálle turmısında jańa rawajlanıw dáwirin baslap berdi.

♻️ Bul baslama sheńberinde búgingi kúnde aymaqtaǵı «Qaharman», «Salmen ata» hám de «Allambergen shıpaker» kósheleriniń jámi 3,7 km aralıǵına qum tas (ShPS) aralaspasın tósew jumısları qızǵın alıp barılmaqta. Usı alıp barılıp atırǵan usı qurılıs-ońlaw jumıslarınıń barısı menen jaqınnan tanısıw maqsetinde, Xalıq deputatları Shımbay rayonlıq Keńesi baslıǵı O.Tolıbekov «Kókshi qala» MPJ aymaǵında boldı. Ilaj dawamında deputat tárepinen qurılıs jumıslarınıń belgilengen standartlar tiykarında, sapalı orınlanıwı boyınsha juwapkerlerge tiyisli usınıslar berildi. Sonday-aq, kóshe boylap alıp barılıp atırǵan jol qurılısınıń búgingi jaǵdayı hám jumısshılar ushın jaratılǵan sharayatlar tolıq úyrenildi.

✍️ Ilaj sońında tiyisli taraw qánigeleri hám qurılısshılar menen pikirlesilip, jumıslardı óz múddetinde sapalı juwmaqlaw boyınsha usınısların bildirilip ótildi.