Xalq deputatlari Bo‘zatov tumani Kengashining 3-sonli "Madaniyat" saylov okrugidan deputat G. Yusupova hamda Bo‘zatov tumani hokimi o‘rinbosari, Oila va xotin-qizlar bo‘limi boshlig‘i A. Xo‘jageldiyeva hamkorlikda xotin-qizlar ishtirokida ochiq muloqot uchrashuvini o‘tkazdi.

Uchrashuv davomida xotin-qizlarni ijtimoiy qo‘llab-quvvatlash, ularning bandligini ta’minlash, oilalarda sog‘lom ma’naviy muhitni mustahkamlash, murojaat va takliflarni o‘rganish hamda mavjud muammolarni joyida hal etish masalalari muhokama qilindi.

Shuningdek, ishtirokchilar tomonidan bildirilgan taklif va murojaatlar tinglanib, ularni qonunchilik doirasida hal etish yuzasidan tegishli tavsiyalar berildi hamda mas’ullarga zarur topshiriqlar yuklatildi.

Bunday uchrashuvlar, xotin-qizlarning muammolarini o‘z vaqtida aniqlash va ularni bartaraf etish borasidagi ishlar samaradorligini oshirishga xizmat qiladi.