📍 Deputatlik nazorati: O‘rmonchi mahallasida xotin-qizlar bilan ishlash samaradorligi o‘rganildi.
Xalq deputatlari tuman Kengashi deputati G.Keldibekova tomonidan O‘rmonchi mahalla fuqarolar yig‘inida xotin-qizlar faoli faoliyati samaradorligi yuzasidan 24 ta muhim yo‘nalish bo‘yicha ishlab chiqilgan tavsiyalar asosida nazorat-tahlil tadbiri amalga oshirildi.
Nazorat-tahlil jarayonida xotin-qizlarni ijtimoiy qo‘llab-quvvatlash, ularning bandligini ta’minlash, tadbirkorlikka jalb etish, kasb-hunarga o‘qitish, ijtimoiy muammolarini hal etish hamda ehtiyojmand oilalar bilan manzilli ishlash bo‘yicha amalga oshirilayotgan ishlar atroflicha o‘rganildi.
Xotin-qizlar muammolarini tizimli hal etish, davlat dasturlari doirasida yaratilgan imkoniyatlardan samarali foydalanish, mutasaddi tashkilotlar bilan hamkorlikni yanada kuchaytirish yuzasidan amaliy taklif va tavsiyalar bildirildi