Xalq deputatlari Taxiatosh tumani Kengashi kotibiyati mudiri, Oʻzbekiston Ekologik partiyasidan saylangan deputat Matniyazov Akbar Qadirovich “Yoshlar maslahat guruhi” a’zolari bilan birgalikda tumandagi bitiruvchi yoshlarning bandligini ta’minlash masalalari yuzasidan o‘rganish ishlarini olib bordi.

👥 O‘rganish davomida bitiruvchi yoshlarning kelgusidagi bandligini ta’minlash, ularni kasb-hunar va mehnat bozoriga yo‘naltirish bilan bog‘liq mavjud holat tahlil qilinib, alohida nazoratni talab etadigan masalalar belgilab olindi.

💬 Uchrashuvda “Yoshlar maslahat guruhi” a’zolariga o‘z hududlarida yoshlar bilan manzilli ishlash, ularning muammo va takliflarini o‘rganish, bandlik hamda ijtimoiy faolligiga oid masalalarni tahlil qilib, Kengash kotibiyatiga muntazam ravishda taklif va ma’lumotlar kiritib borish yuzasidan topshiriqlar berildi.

🤝 Ta’kidlanganidek, bitiruvchi yoshlarning bandligini ta’minlash va ularning salohiyatini ro‘yobga chiqarish bo‘yicha tizimli hamkorlikni yo‘lga qo‘yish Kengash faoliyatining muhim yo‘nalishlaridan biri hisoblanadi.