Xalq deputatlari Bo‘stonliq tumani Kengashining 2026-yilga mo‘ljallangan ish rejasiga muvofiq O‘zbekiston “Milliy tiklanish” demokratik partiyasidan saylangan deputat D.Xolmurotov tomonidan mahallada faoliyat yuritayotgan hokim yordamchisining ish faoliyati o‘rganildi. O‘rganish davomida aholi bandligini ta’minlash, fuqarolarning daromad manbalarini kengaytirish hamda ularni tadbirkorlikka jalb etish borasida amalga oshirilayotgan ishlar tahlil qilindi.

Jumladan, mahallada ishsiz va kam daromadli fuqarolarni o‘zini o‘zi band qilishga yo‘naltirish, kasb-hunarga o‘qitish, imtiyozli kreditlar va subsidiyalardan samarali foydalanish, shuningdek, xizmat ko‘rsatish, hunarmandchilik, chorvachilik, issiqxona, tomorqa va boshqa daromadli faoliyat turlariga jalb etish yuzasidan amalga oshirilayotgan chora-tadbirlar ko‘rib chiqildi.

O‘rganish yakunida hokim yordamchisiga aholi bandligini yanada oshirish, o‘zini o‘zi band qilish orqali barqaror daromad manbalarini yaratish, har bir murojaat bilan manzilli ishlash hamda mahallada yangi ish o‘rinlarini tashkil etish bo‘yicha ishlarni yanada kuchaytirish yuzasidan tegishli taklif va tavsiyalar bildirildi.