Xalq deputatlari Paxtakor tumani Kengashi deputati A.Avazov tomonidan Mingchinor mahallasida fuqarolar bilan o‘tkazilgan uchrashuv davomida hududdagi 5-sonli va 16-sonli umumta’lim maktablari hamda 9-sonli DMTTni bog‘lovchi "Kamoliddin Behzod", "Oltin zamin" va "Alpomish" ko‘chalari bo‘ylab piyodalar yo‘lagi mavjud emasligi yuzasidan murojaat bildirildi.

Ta’kidlanganidek, piyodalar yo‘lagi yo‘qligi sababli o‘quvchilar, tarbiyalanuvchilar, ota-onalar va boshqa fuqarolar avtomobil qatnov qismida harakatlanishga majbur bo‘layotgani yo‘l-transport hodisalari xavfini oshirmoqda.

Mazkur murojaat deputatning "Yon daftari"ga kiritilib, piyodalar yo‘lagi (trotuar) qurish hamda zarur yo‘l harakati xavfsizligi belgilarini o‘rnatish masalasini hal etish yuzasidan tegishli tashkilotlarga deputatlik so‘rovi kiritish bo‘yicha amaliy ishlar boshlab yuborildi.