Xalq deputatlari Pastdarg‘om tumani Kengashi doimiy komissiyalari tomonidan biriktirilgan tashkilotlar bilan hamkorlikni mustahkamlash, ularning faoliyat yo‘nalishlarini o‘rganish hamda mavjud masalalarni muhokama qilish bo‘yicha amaliy ishlar olib borilmoqda.

Navbatdagi uchrashuv Xalq deputatlari Pastdarg‘om tumani Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi a’zosi hamda Pastdarg‘om tumani Sanitariya-epidemiologik osoyishtalik va jamoat salomatligi xizmati bo‘limi vakillari ishtirokida bo‘lib o‘tdi.

Muloqot davomida aholi salomatligini muhofaza qilish, sanitariya-epidemiologik osoyishtalikni ta’minlash, profilaktik tadbirlarni samarali tashkil etish, mavjud muammolar va ularni bartaraf etish bo‘yicha amalga oshirilayotgan ishlar muhokama qilindi.