Xalq deputatlari Qo‘qon shahar Kengashi deputati X.Abdullayev tomonidan Qo‘qon shahar “Inson” ijtimoiy xizmatlar markazi boshlig‘i J.Mirzayev nomiga deputatlik so‘rovi yuborildi.

Mazkur deputatlik so‘rovida “Mingtut” mahalla fuqarolar yig‘ini hududida Kambag‘allik reestriga kiritilgan va uy-joyini ta’mirlashga muhtoj bo‘lgan fuqarolar xonadonlarini ta’mirlash ishlari yuzasidan amalga oshirilayotgan choralar hamda ishlarning bajarilish muddatlari bo‘yicha asoslantirilgan ma’lumot taqdim etish so‘ralgan.

Deputatlik so‘rovi O‘zbekiston Respublikasining “Xalq deputatlari viloyat, tuman va shahar Kengashi deputatining maqomi to‘g‘risida”gi Qonuni talablari asosida yuborilgan bo‘lib, unda fuqarolar murojaatlarining qonuniy va o‘z vaqtida hal etilishi masalasi ko‘tarilgan.

Mazkur masala deputat nazoratiga olingan bo‘lib, uning ijrosi yuzasidan tegishli tashkilotlarning javoblari va amalga oshirilayotgan ishlar haqida qo‘shimcha ma’lumotlar berib boriladi.

Xalq deputatlari Qo‘qon shahar Kengashi