Xalq deputatlari Termiz shahar Kengashining 17-"Surxon sohili" saylov okrugi deputati, Agrar, suv xo‘jaligi va ekologiya masalalari bo‘yicha doimiy komissiyasi raisi B.Raxmatullayev, 12-"Saxovat" saylov okrugi deputati, komissiya a’zosi X.Jurayev hamda kotibiyat bosh mutaxassisi R.Mamashukurovlar shahar Ekopolitsiya bo‘limi boshlig‘i S.Qurbonov bilan shahar avtomobil yuvish shahobchalarida o‘rganish ishlari olib borildi.

Ushbu o‘rganish O‘zbekiston Respublikasining “Ichimlik suvi ta’minoti va oqova suvlarni chiqarib yuborish to‘g‘risida”gi 2022-yil 22-iyuldagi O‘RQ-784-sonli Qonuni talablari asosida amalga oshirildi.

Asosiy e’tibor quyidagilarga qaratildi:
✅ Suvdan foydalanish bo‘yicha shartnomalarning mavjudligi;
✅ Oqova suvlarni chiqarib yuborish tizimining talabga javob berishi;
✅ Suvni hisobga olish uskunalarining (schetchik) holati;
✅ Ekologik me’yorlarga rioya qilinishi.
O‘rganishlar davomida Termiz shahridagi ayrim avtomobil yuvish shahobchalarida ilg‘or texnologiyalar joriy etilayotgani aniqlandi. Xususan, bir shahobchada suvni qayta ishlash texnologiyasi muvaffaqiyatli tatbiq etilgan bo‘lib, bu orqali suvdan 1-2 marotaba qayta foydalanish imkoniyati yaratilgan.
Bu nafaqat suv sarfini sezilarli darajada kamaytiradi, balki ekologiyaga bo‘lgan salbiy ta’sirni ham minimallashtiradi. Bu kabi yondashuv boshqa avtomobil yuvish shahobchalari uchun ham namuna bo‘lishi lozim.