Deputat járdemi menen puqara jumısqa jayǵastırıldı

Xalıq deputatları Shımbay rayonlıq Keńesi 10-sanlı “A.Pirniyazov” saylaw okrugi “Adolat” social-demokratik partiyası deputat Q.Xamidullaev rayonda shólkemlestirilgen bos jumıs orınları miynet yarmarkasında qatnastı.

Ilaj dawamında mámleketlik hám mámleketlik emes shólkemler, kárxanalar hám isbilermenlik subektleri tárepinen puqaralarǵa bar bos jumıs orınları, miynet sharayatları hám jumısqa qabıl etiw tártipleri boyınsha tolıq maǵlıwmatlar berildi.

Puqaralardıń múrájatları úyrenilip, olardıń kásibi, mamanlıǵı hám qızıǵıwshılıǵınan kelip shıǵıp, bar bos jumıs orınlarına baǵdarlaw ilajları kórildi. Deputat járdemi menen “Qamıs arıq” APJ aymaǵındaǵı jumıs izlep múrájat etken puqara Musa Amaniyazov rayonlıq Madeniyat bólimine jumısqa qabıl etildi.
 Yarmarkada qatnasıp atırǵan jumıs izlep atırǵan puqaralar hám jumıs beriwshiler menen sáwbetlesip, xalıqtı, ásirese, jaslar hám hayal-qızlardı turaqlı jumıs penen támiyinlew, bántlikti arttırıw hám jańa jumıs orınların jaratıw máselelerine ayrıqsha itibar qarattı.

Sonday-aq, ilaj dawamında puqaralardıń bántlikke baylanıslı múrájatları tıńlanıp, olardı sheshiw boyınsha tiyisli juwapkerlerge usınıslar berildi. Bul miynet yarmarkası xalıqtı jumıs penen támiyinlew hám olardıń dáramat dáreklerin arttırıwǵa xızmet etetuǵın áhmietli ilajlardan biri ekeni atap ótildi.