O‘zbekiston Respublikasi Prezidentining “Ko‘p kvartirali uy-joylarni boshqarish tizimini yanada takomillashtirish to‘g‘risida” 2021-yil 19-iyundagi PQ-5152-sonli qarori ijrosini ta’minlash maqsadida Xalq deputatlari Parkent tumani Kengashi deputati, doimiy komissiya raisi Maxmudova Baxtinisa Zuxriddinovna mahalla yoshlar yetakchisi S. Ismoilov bilan birgalikda o‘zi saylangan saylov okrugi hududidagi Istiqbol MFY, A.Navoiy ko‘chasida joylashgan ko‘p qavatli turar joylarning holatini o‘rgandi. O‘rganish jarayonida ko‘p qavatli uylarni boshqaruvchi kompaniyalar faoliyati samaradorligi, uylarning ichki yo‘laklari (pod’yezdlari) holati, yerto‘lalarning saqlanishi va texnik ahvoli, uylar atrofidagi hududlarning tozaligi va obodonlashtirilganlik darajasi, shuningdek, tungi yoritish tizimining ishlash holati atroflicha ko‘zdan kechirildi.Shuningdek, ko‘p qavatli turar joylarda istiqomat qiluvchi aholi bilan ochiq muloqot o‘tkazilib, fuqarolarning mavjud muammolari, taklif va ehtiyojlari tinglandi. Xususan, ko‘cha boshlig‘i U.Qoraboyev tomonidan yoz mavsumida ko‘p qavatli uyning yuqori qavatlariga, xususan, 4-qavatga suv bosimi pastligi sababli suv yetarli darajada chiqmayotgani muammo sifatida ko‘tarildi.Bildirilgan masala yuzasidan tegishli tashkilotlar bilan hamkorlikda muammoni bartaraf etish va amaliy choralar ko‘rish zarurligi ta’kidlandi.Tadbir davomida fuqarolarga ko‘p qavatli uy-joylar atrofi hamda umumiy foydalanishdagi hududlarni ozoda saqlash, obodonlashtirish ishlarida faol ishtirok etish, shuningdek, har bir fuqaro o‘zi yashayotgan hududning tozaligi va obodligi uchun birdek mas’ul ekanligi alohida qayd etildi.