Mahalliy budjet daromadlari bazasini kengaytirish – deputat nazoratida
📅 Sana: 2026-yil 24-iyul
📄 Raqam: 120-ds-448-26
Xalq deputatlari Shovot tumani Kengashi deputati Xolboyev Oybek Madaminovich tomonidan Shovot tumani davlat soliq inspeksiyasi boshlig‘i I. Sultanov nomiga deputat so‘rovi yuborildi.
So‘rovning maqsadi
Hududning moliyaviy salohiyatini oshirish, mahalliy budjet daromadlari bazasini kengaytirish hamda qo‘shimcha daromad manbalarini aniqlash bo‘yicha amalga oshirilayotgan ishlarni o‘rganish.
So‘rovda quyidagi ma’lumotlar talab etildi:
📌 Shovot tumanida mahalliy budjet daromadlari bazasini kengaytirish bo‘yicha aniqlangan zaxiralar;
📌 2024–2026-yillar davomida qo‘shimcha daromad manbalarini aniqlash yuzasidan amalga oshirilgan ishlar va ularning natijalari;
📌 Soliq bazasini kengaytirish, yangi tadbirkorlik subyektlarini jalb etish hamda yashirin iqtisodiyotni qisqartirish bo‘yicha ko‘rilgan choralar;
📌 Foydalanilmayotgan yer maydonlari, bino va inshootlar hamda boshqa mol-mulk obyektlaridan samarali foydalanish holati;
📌 Mahalliy budjetga qo‘shimcha tushumlarni ta’minlashda mavjud muammolar va ularni bartaraf etish bo‘yicha takliflar;
📌 Vazirlar Mahkamasining 2017-yil 29-iyundagi 445-son qarori ijrosi doirasida tuzilgan ishchi guruhlar faoliyati hamda monitoring natijalari.
Muhim
⏳ Deputat so‘rovi qonunchilikka muvofiq ko‘rib chiqilishi va 10 kun muddatdan kechiktirmasdan barcha tasdiqlovchi hujjatlar ilova qilingan holda asoslantirilgan yozma javob taqdim etilishi so‘ralgan.
⚖️ Eslatma: Ma’muriy javobgarlik to‘g‘risidagi kodeksning 193-moddasi talablariga ko‘ra, deputat so‘rovini ko‘rib chiqmaslik, javob berish muddatini buzish yoki bila turib noto‘g‘ri ma’lumot taqdim etish mansabdor shaxsning qonunchilikda belgilangan tartibda javobgarligiga sabab bo‘ladi.