Hududlarni rivojlantirish va ijro intizomi masalalari muhokama qilindi

Termiz tumani hokimi Shuxrat Qalandarov hamda tuman prokurori Yodgor Bozorov raisligida navbatdagi "Hokimlik soati" yig‘ilishi bo‘lib o‘tdi.

Yig‘ilishda Xalq deputatlari Termiz tuman Kengashi raisi S. Nazarov ham ishtirok etdi.

Muhokamalar davomida tuman hokimi Shuxrat Qalandarov deputatlik so‘rovlarini ko‘rib chiqish va ularga o‘z vaqtida, asoslantirilgan hamda qonunchilik talablariga muvofiq javob berish har bir rahbarning ustuvor vazifasi ekanini alohida ta’kidladi. Shuningdek, fuqarolar murojaatlariga mas’uliyat bilan yondashish, ijro intizomini mustahkamlash va deputatlar bilan samarali hamkorlikni yo‘lga qo‘yish zarurligiga to‘xtaldi.

O‘z navbatida, Kengash raisi S. Nazarov ham deputatlik so‘rovlari va fuqarolar murojaatlarining o‘z vaqtida ko‘rib chiqilishi, mutasaddi tashkilotlar tomonidan ijro intizomiga qat’iy rioya etilishi hamda Kengash va ijro organlari o‘rtasidagi hamkorlikni yanada kuchaytirish yuzasidan o‘z fikr va takliflarini bildirdi.