Deputatlar Yoshlar ishlari agentligi faoliyatini o‘rgandi

Xalq deputatlari Termiz tuman Kengashi deputatlari Sh. Norsayev va K. Abdullayeva o‘zlariga biriktirilgan tashkilot — Yoshlar ishlari agentligi Termiz tuman bo‘limi faoliyati o‘rganildi.

O‘rganish davomida bo‘lim tomonidan O‘zbekiston Respublikasining "Yoshlarga oid davlat siyosati to‘g‘risida"gi Qonuni (Qonunchilik palatasi tomonidan 2016-yil 12-avgustda qabul qilingan, Senat tomonidan 2016-yil 24-avgustda ma’qullangan) talablarining ijrosi, yoshlarning huquq va manfaatlarini ta’minlash, ularning bandligini oshirish, "Yoshlar daftari" bilan ishlash, iqtidorli yoshlarni qo‘llab-quvvatlash hamda davlat dasturlari doirasida amalga oshirilayotgan ishlar o‘rganildi.

Shuningdek, deputatlar tomonidan bo‘lim faoliyatining samaradorligi, hujjatlar yuritilishi, belgilangan vazifalar ijrosi hamda mavjud muammolar tanqidiy tahlil qilindi. Aniqlangan kamchiliklarni bartaraf etish, qonun ijrosini ta’minlash va yoshlar bilan ishlash samaradorligini yanada oshirish bo‘yicha mas’ullarga tegishli tavsiya va takliflar bildirildi.