Xalq deputatlari Chilonzor tumani Kengashi deputati Sultanov Bahodir Turg‘unovich 3-Katta Chilonzor saylov okrugi hududidagi 2-Katta Chilonzor mahallasida mahalla faollari ishtirokida hududni kompleks o‘rgandi.

O‘rganish jarayonida mahalla infratuzilmasi, obodonlashtirish ishlari, kommunal xizmatlar sifati, sanitariya holati hamda fuqarolar uchun yaratilgan shart-sharoitlar joyiga chiqqan holda ko‘zdan kechirildi.

Shuningdek, mahalla faollari bilan o‘tkazilgan muloqot davomida hududni yanada rivojlantirish, mavjud muammolarni bartaraf etish va aholi farovonligini oshirishga qaratilgan taklif hamda mulohazalar muhokama qilindi.

Aniqlangan masalalarni tegishli mutasaddi tashkilotlar bilan hamkorlikda hal etish, ularning ijrosini ta'minlash hamda amalga oshirilayotgan ishlar ustidan deputatlik nazoratini kuchaytirish yuzasidan zarur chora-tadbirlar belgilandi.

Hududlarda olib borilayotgan bunday o‘rganishlar aholi murojaatlariga tezkor munosabat bildirish, mavjud muammolarni o‘z vaqtida bartaraf etish va mahallalarni izchil rivojlantirishga xizmat qiladi.