#deputat_tashabbusi #deputatlar_nazorati #poytaxtdeputatlari #deputatlik_faoliyati #Deputat_daftari

❗️Fuqarolar murojaati deputatlik nazoratida: Olmazor tumanida manzillar bilan bog‘liq muammo joyida o‘rganildi

🏛 Xalq deputatlari Toshkent shahar Kengashi deputati Davronbek Ravshanbekov, Xalq deputatlari Olmazor tuman Kengashi raisi Shahnoza Umarxo‘jayeva hamda ishchi guruh a’zolari bilan birgalikda fuqarolar murojaati asosida Olmazor tumani “Ziyokor” MFY hududida joyiga chiqib o‘rganish ishlarini olib bordi.

🔎 O‘rganish davomida fuqarolar tomonidan bildirilgan murojaat yuzasidan hududdagi manzillar bilan bog‘liq muammo atroflicha tahlil qilindi. Aniqlanishicha, amalda ikkita Mirza G‘olib ko‘chasi mavjud bo‘lib, ularning har ikkalasida ham 3-raqamli uy joylashgan. Mazkur holat fuqarolar, pochta va kuryer xizmatlari, tez tibbiy yordam, kommunal hamda boshqa xizmat ko‘rsatuvchi tashkilotlar faoliyatida manzilni aniqlashda muntazam chalkashliklarni keltirib chiqarmoqda.

📁 Xususan, birinchi manzil kadastr hujjatlarida “Mirza G‘olib ko‘chasi, 1-uchastka, 3-uy” sifatida qayd etilgan bo‘lsa, ikkinchi manzil esa hujjatlarda “Mirza G‘olib ko‘chasi, 3-uy” tarzida rasmiylashtirilgan. Shu sababli fuqarolar murojaatlari, rasmiy hujjatlar va xizmat ko‘rsatish jarayonlarida turli noqulayliklar yuzaga kelayotgani ta’kidlandi.

📉 O‘rganish jarayonida ishchi guruh tomonidan mavjud holat joyida ko‘zdan kechirilib, mahalla faollari va fuqarolar bilan muloqot qilindi. Manzillarni yagona tartibga keltirish, hujjatlardagi ma’lumotlarni aniqlashtirish hamda kelgusida bunday chalkashliklarning oldini olish bo‘yicha tegishli mutasaddi tashkilotlarga takliflar ishlab chiqilishi belgilandi.

🤝 Deputat tomonidan fuqarolar murojaatlariga alohida e’tibor qaratilib, mazkur masalani qonunchilik doirasida hal etish, zarurat tug‘ilganda tegishli tashkilotlarga deputatlik so‘rovlari kiritish hamda ijro jarayonini deputatlik nazoratida olib borish ta’kidlandi.

✅ Yakunda Davronbek Ravshanbekov fuqarolarni qiynayotgan masalalarni joyiga chiqib o‘rganish, ularni tezkor va amaliy hal etish hamda davlat xizmatlari sifatini oshirish deputatlik faoliyatining ustuvor yo‘nalishlaridan biri ekanini qayd etdi.

📱 Telegram 📱 Instagram 📱 Facebook 📱 YouTube 🔎 E-kengash