Xalq deputatlari Qo‘qon shahar Kengashi deputati R.Talipdjanov tomonidan 18-"Navro‘z" saylov okrugi hududidagi "Navro‘z" mahalla fuqarolar yig‘inida navbatdagi saylovchilar bilan uchrashuv hamda o‘rganish ishlari olib borildi.

O‘rganish jarayonida Xalq deputatlari Qo‘qon shahar Kengashi kotibiyati mutaxassisi X.Abdullayev, O‘zbekiston Respublikasi O‘zLiDeP partiyasi Qo‘qon shahar Kengashi vakili hamda O‘zbekiston Ekologik partiyasi Qo‘qon shahar Kengashi raisi A.Akbarov ishtirok etib, amaliy ko‘mak ko‘rsatdilar.

O‘rganish davomida mahalla fuqarolar yig‘ini raisining faoliyati, fuqarolar murojaatlari bilan ishlash tizimi, hududda olib borilayotgan obodonlashtirish ishlari, ijtimoiy muammolarni hal etish hamda mahallaning ijtimoiy-iqtisodiy rivojlanishi yo‘nalishida amalga oshirilayotgan chora-tadbirlar atroflicha tahlil qilindi.

Shuningdek, "mahalla yettiligi" hamkorligida aholini ijtimoiy qo‘llab-quvvatlash, bandlikni ta’minlash, ehtiyojmand oilalar bilan manzilli ishlash, yoshlar va xotin-qizlar masalalarini hal etish hamda hudud infratuzilmasini yaxshilash borasida amalga oshirilayotgan ishlar yuzasidan mas’ullar bilan fikr almashildi.

Uchrashuv davomida saylovchilar tomonidan bildirilgan taklif va murojaatlar tinglanib, ularni o‘z vaqtida va samarali hal etish, mahallada olib borilayotgan ishlar samaradorligini yanada oshirish yuzasidan zarur tavsiyalar berildi.

Xalq deputatlari Qo‘qon shahar Kengashi