Xalq deputatlari Bo‘stonliq tumani Kengashining 2026-yilga mo‘ljallangan Ish rejasiga muvofiq O‘zbekiston “Milliy tiklanish” partiyasidan saylangan deputat M.Aynashova tomonidan tumanning “Pargos” mahallasida aholini qiynayotgan muammolarni o‘z vaqtida aniqlash va ularning yechimi yuzasidan amaliy choralar ko‘rish maqsadida “xonadonbay” o‘rganish ishlari amalga oshirildi.

🔺O‘rganishlar davomida bir qator xonadonlarga tashrif buyurilib, fuqarolar bilan ochiq muloqotlar o‘tkazildi. Suhbatlar chog‘ida aholining ichimlik suvi, ichki yo‘llar holati, tomorqani sug‘orish tizimi, chiqindilarni olib ketish xizmati sifatiga oid murojaat va takliflari tinglandi.

🔺Aniqlangan har bir masala yuzasidan tegishli tashkilot va mutasaddi idoralar vakillari ishtirokida amaliy choralar belgilab olindi. Tezkor hal etilishi mumkin bo‘lgan muammolar joyida ko‘rib chiqildi, qo‘shimcha o‘rganish talab etadigan masalalar esa nazoratga olinib, mas’ullarga deputatlik so‘rovlari orqali ijrosini ta’minlash yuzasidan topshiriqlar berildi.