Xalq deputatlari Bag‘dod tumani Kengashining "4-Matqulobod" saylov okrugi deputati G.Usmonova tomonidan "Matqulobod" mahalla fuqarolar yig‘inining ijtimoiy-iqtisodiy rivojlantirish dasturiga kiritilgan loyihalar ijrosi joyiga chiqib o‘rganildi.

O‘rganish davomida hududda amalga oshirilayotgan tadbirkorlik loyihalarining borishi, ularning aholi bandligini ta’minlash hamda mahalla iqtisodiy salohiyatini oshirishdagi o‘rni tahlil qilindi.

Xususan, tashabbuskor Yunusakiyev Shuxratjon Abduxalimovich tomonidan o‘z mablag‘lari hisobidan zamonaviy tikuvchilik sexi tashkil etilgan. Mazkur loyiha natijasida 20 ga yaqin xotin-qizning doimiy bandligi ta’minlanib, ular uchun barqaror ish o‘rinlari yaratildi.

O‘rganish jarayonida loyihaning amalga oshirilish holati, ishlab chiqarish jarayoni va yaratilgan mehnat sharoitlari bilan tanishilib, bunday tashabbuslarning mahallada tadbirkorlikni rivojlantirish, yangi ish o‘rinlari yaratish hamda aholi daromadlarini oshirishdagi ahamiyati alohida e’tirof etildi.