#24_ta_masala

📌 Maktabgacha ta’lim muassasasida yaratilgan shart-sharoitlar o‘rganildi

👨‍💼Xalq deputatlari Kattaqo‘rg‘on tuman Kengashi deputati M.Xolova tomonidan 13-Kichikmundiyon saylov okrugi hududida joylashgan 5-son davlat maktabgacha ta’lim tashkilotiga tashrif buyurilib, muassasada tarbiyalanuvchilar uchun yaratilgan shart-sharoitlar bilan yaqindan tanishildi.

⌛Tashrif davomida guruh xonalari, o‘yin maydonchalari, ovqatlanish va dam olish hududlari, tarbiyaviy jarayonlarni tashkil etish uchun yaratilgan imkoniyatlar ko‘zdan kechirildi. Shuningdek, bolalarning xavfsizligi, sog‘lom va barkamol rivojlanishini ta’minlashga qaratilgan ishlar yuzasidan mas’ullar bilan muloqot o‘tkazildi.

⌛Deputat tomonidan muassasa hududida olib borilayotgan obodonlashtirish ishlari ham o‘rganilib, hududni yanada ko‘rkamlashtirish, yashil maydonlarni kengaytirish hamda mavjud infratuzilmani yaxshilash bo‘yicha tavsiyalar berildi.

⌛Ta’kidlanganidek, maktabgacha ta’lim muassasalarida bolalar uchun qulay va zamonaviy sharoitlar yaratish, ularning sifatli ta’lim-tarbiya olishini ta’minlash hamda muassasalar faoliyatini yanada takomillashtirish doimiy e’tiborda bo‘lib qoladi.

🇺🇿🏛🇺🇿 Kattaqo‘rg‘on tuman Kengashi
Telegram | Facebook | Instgram | YouTube