Тошқўрғон маҳалласида хотин-қизлар билан ишлаш самарадорлиги ўрганилди

21-Намуна сайлов округидан сайланган депутати Арсланова Нигорахон Адҳамовна ҳамда Кенгаш котибияти бош мутахассиси А.Отажонов Тошқўрғон маҳалла фуқаролар йиғинида бўлиб, хотин-қизлар фаоли томонидан амалга оширилаётган ишлар ҳолатини жойига чиққан ҳолда ўргандилар.

Ўрганиш давомида хотин-қизларнинг бандлигини таъминлаш, уларни доимий даромад манбаи билан таъминлаш, касб-ҳунарга ўқитиш, тадбиркорликка жалб этиш ҳамда давлат томонидан ажратилаётган имтиёз ва кўмаклардан самарали фойдаланиш бўйича амалга оширилаётган ишлар таҳлил қилинди.

Шунингдек, эҳтиёжманд ва ижтимоий ҳимояга муҳтож хотин-қизлар билан манзилли ишлаш, уларнинг муаммоларини ўз вақтида ҳал этиш, бандлигини таъминлаш ва турмуш шароитини яхшилаш юзасидан амалга оширилаётган ишлар муҳокама қилиниб, бу борадаги фаолият самарадорлигини янада ошириш бўйича тегишли тавсиялар берилди.