Xalq deputatlari Sardoba tumani Kengashi deputati B. Suyunov tomonidan “Birlik” mahallasida xususiy-davlat sherikchiligi asosida tashkil etilgan “Mamoqaymoq” maktabgacha ta'lim muassasasi faoliyati oʻrganildi. Tashrif davomida tarbiyalanuvchilar uchun yaratilgan shart-sharoitlar, ta'lim-tarbiya jarayoni, sanitariya-gigiena talablariga rioya etilishi hamda bolalar xavfsizligini ta'minlash masalalari atroflicha koʻzdan kechirildi.

Oʻrganish jarayonida muassasaning moddiy-texnik bazasi, oʻquv jihozlari bilan ta'minlanganlik darajasi, bolalarning sifatli oziq-ovqat bilan ta'minlanishi va tarbiyachilarning kasbiy faoliyatiga alohida e'tibor qaratildi. Aniqlangan holatlar yuzasidan mas'ullarga tegishli tavsiya va koʻrsatmalar berildi.

Shuningdek, maktabgacha ta'lim sifatini yanada oshirish, bolalar uchun qulay va xavfsiz muhit yaratish hamda xususiy-davlat sherikchiligi asosidagi loyihalar samaradorligini kuchaytirish yuzasidan amaliy chora-tadbirlar belgilab olindi. Mazkur oʻrganish ishlari yosh avlodning barkamol voyaga yetishi uchun munosib sharoit yaratishga qaratilgan muhim qadamlardan biri sifatida baholandi.