🔹 Xalq deputatlari tuman Kengashi deputati M. Kariyev hamda O‘zbekiston XDP tuman Kengashi raisi O. Akimova tomonidan Komiljon Otaniyazov mahallasida yo‘l harakati xavfsizligi bilan bog‘liq mavjud holatlar o‘rganildi.
O‘rganish davomida quyidagi masalalarga alohida e’tibor qaratildi:
🚧 Ichki ko‘cha yo‘llarining holati;
💡 Ko‘chalarning tungi yoritilishi;
🚦 Avtomobil yo‘llaridagi tirbandliklar;
⚠️ Yo‘l-transport hodisalari ko‘p sodir bo‘layotgan hududlarda xavfsizlik choralarini kuchaytirish.
✅ O‘rganishlar natijasida mahallada, ayniqsa maktab o‘quvchilari harakatlanadigan ko‘chada piyodalar xavfsizligini ta’minlash maqsadida piyodalar yo‘lakchasi (trotuar) qurilish ishlari boshlanganligi ko‘zdan kechirildi.
👧👦 Mazkur loyiha bolalarning maktabga qatnovini yanada xavfsiz tashkil etish, piyodalar uchun qulay sharoit yaratish hamda yo‘l-transport hodisalarining oldini olishga xizmat qiladi.
🤝 Bu kabi amaliy ishlar mahallalarda yo‘l harakati xavfsizligini ta’minlash, fuqarolar uchun xavfsiz va qulay infratuzilmani yaratish yo‘lidagi muhim qadamlardan biridir.