Халқимизга тиббий хизмат кўрсатиш сифатини яхшилаш, айниқса, маҳаллалардаги ижтимоий ҳимояга муҳтож оилалар, беморлар ва кекса нуронийлар ҳолидан хабар олиш — доимий эътиборда.

Халқ депутатлари туман Кенгаши 20-Саноат сайлов округи депутати Х.Қодирова ҳамда “Соғлом авлод учун” халқаро хайрия фонди билан ҳамкорликда навбатдаги йирик хайрия ва тиббиёт тадбири ташкил этилди.

Тадбир доирасида ҳудуд аҳолиси, жумладан, сурункали касалликларга чалинган фуқаролар, кам таъминланган оилалар ва ёш болали оналар учун бепул дори-дармон воситалари ҳамда зарур тиббий препаратлар тарқатилди.

Бу хайрли ташаббуснинг асосий мақсади:

Аҳолининг саломатлик кўрсаткичларини яхшилаш ва тиббий маданиятини юксалтириш;
Оғир ижтимоий вазиятга тушиб қолган ва доимий дори истеъмол қилишга эҳтиёжи бор фуқароларга манзилли моддий ва маънавий кўмак бериш;
“Инсон қадри учун” тамойили асосида ҳар бир хонадонга тиббий ғамхўрликни киритиш.
Дори-дармонлар тарқатиш жараёнида малакали мутахассислар томонидан аҳолига препаратларни қабул қилиш қоидалари, соғлом турмуш тарзига амал қилиш бўйича зарур тавсиялар ҳам бериб ўтилди.
Маҳалладошларимизнинг кўзидаги миннатдорлик ва уларнинг дуолари — олиб борилаётган ислоҳотларнинг энг олий эътирофидир!