Халқ депутатлари Миробод туман Кенгашининг навбатдаги сессияси олдидан «Парвона» маҳалласида туман Кенгаши депутати Н.Асилов ўрганиш, назорат тадбирларини олиб борилди.

 Тадбирда Ички ишлар вазири ўринбосари генерал-майор Б.Й.Мирзарахимов хам иштирок этиб, Ўзбекистон Республикаси Президентининг 2026-йил 5-январдаги “Республика маҳаллаларида хавфсиз муҳитни яратиш йўналишида яхлит манзилли ишлаш тизимини жорий этишга қаратилган қўшимча чора-тадбирлар тўғрисида”ги ПҚ-1-сонли қарорининг ижроси юзасидан махалла еттилиги томонидан амалга оширилаётган чора-тадбирлар натижаси ўрганилди.

Ўрганиш давомида қуйидаги асосий масалаларга эътибор қаратилди:
🏦 Ижтимоий профилактика: «Маҳалла еттилиги» билан ҳамкорликда ҳудуддаги криминоген вазият таҳлил қилиниб, ПҚ-1 (Президент Қарори) ижроси бўйича амалга оширилаётган ишлар ҳолати кўздан кечирилди.
💬 Нуронийлар билан мулоқот: Маҳалла фаоллари ва кекса авлод вакиллари билан учрашув ўтказилиб, ёшларга қаратилаётган алоҳида эътибор ҳамда улар учун яратилаётган янги имкониятлар муҳокама қилинди.
↗️ Ёзги таътилни мазмунли ташкил этиш: Ёшлар ўртасида жиноятчиликни қисқартириш ва уларнинг ёзги таътил давомида бўш вақтларини унумли ҳамда самарали ўтказишларини таъминлаш бўйича масъулларга зарур тавсия ва маслаҳатлар берилди.

📌 Якунда маҳалла хавфсизлигини таъминлаш ва ёшлар билан тизимли ишлаш бўйича келгусидаги устувор вазифалар белгилаб олинди.