Xalq deputatlari Farg‘ona tuman Kengashining navbatdagi sessiyasi kun tartibiga kiritilgan masala yuzasidan tuman Kengashi deputatlari O.Soliyev hamda D.Toshboltayevalar tomonidan "Dolzarb 90 kun" dasturi doirasida Farg‘ona tumani Shohimardon MFY hududidagi 1-sonli umumiy o‘rta ta’lim maktabida tashkil etilgan yozgi sog‘lomlashtirish oromgohlari faoliyati o‘rganildi.

O‘rganish davomida oromgohlarda bolalarning mazmunli dam olishi, ma’naviy-ma’rifiy, sport va madaniy tadbirlarning tashkil etilishi, xavfsizlik choralariga rioya qilinishi, to‘garaklar faoliyati hamda yaratilgan shart-sharoitlar ko‘zdan kechirildi. Aniqlangan holatlar yuzasidan mas’ullarga tegishli tavsiya va takliflar berilib, mazkur masala bo‘yicha tayyorlangan ma’lumotlar navbatdagi sessiyada muhokama qilinishi belgilandi.