Ko‘p qavatli uylardagi liftlar va yerto‘lalar holati o‘rganildi

Xalq deputatlari Termiz tuman Kengashi kotibiyati mudiri A. Avliyakulov hamda deputat O‘. Omonov tomonidan Yangiobod MFY hududidagi ko‘p qavatli turar joylarda o‘rganish ishlari olib borildi.

O‘rganish davomida ko‘p qavatli uylardagi liftlarning ishlash holati, ulardan xavfsiz foydalanish, texnik xizmat ko‘rsatish sifati hamda yerto‘lalarning sanitariya va texnik holati atroflicha ko‘zdan kechirildi.

Shuningdek, aniqlangan kamchiliklar yuzasidan mas’ul tashkilotlarga tegishli tavsiyalar berilib, mavjud muammolarni bartaraf etish va aholiga qulay hamda xavfsiz yashash sharoitlarini yaratish bo‘yicha zarur choralarni ko‘rish belgilandi.

Bunday o‘rganishlar fuqarolarning yashash sharoitlarini yaxshilash, kommunal xizmatlar sifatini oshirish hamda ko‘p qavatli uy-joy fondidan samarali foydalanishni ta’minlashga xizmat qiladi.