Aholining sanitariya-epidemiologik osoyishtaligini ta’minlash borasidagi ishlar o‘rganildi

Xalq deputatlari Paxtachi tumani Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi a’zolari N.Xusanova, S.Abdullayeva hamda Kengash kotibiyati mudiri R.Magripova ishtirokida Sanitariya-epidemiologik osoyishtalik va jamoat salomatligi bo‘limida O‘zbekiston Respublikasining “Aholining sanitariya-epidemiologik osoyishtaligi to‘g‘risida”gi Qonuni ijrosi yuzasidan o‘rganish ishlari olib borildi.

O‘rganish davomida aholi salomatligini muhofaza qilish, yuqumli kasalliklarning oldini olish, sanitariya-gigiyena talablariga rioya etilishi hamda profilaktik tadbirlarning tashkil etilishi holati tahlil qilindi.

Shuningdek, bo‘lim tomonidan olib borilayotgan nazorat ishlari, dezinfeksiya tadbirlarining samaradorligi va mavjud muammolar yuzasidan mas’ullar bilan fikr almashildi.