HOKIM YORDAMCHISI FAOLIYATI O‘RGANILDI.

Xalq deputatlari Angor tumani Kengashi 18-Yangi turmush saylov okrugi deputati Sevara Yo‘ldosheva tomonidan hududda faoliyat yuritayotgan hokim yordamchisining ish faoliyati o‘rganildi.

Mazkur o‘rganishda xalq deputatlari Angor tumani Kengashi kotibiyati bosh mutaxassisi Laziz Xurramov ham ishtirok etdi.

O‘rganish jarayonida hokim yordamchisi Nodir Jo‘rayev tomonidan hududda aholi
bandligini ta’minlash, tadbirkorlikni rivojlantirish, kambag‘allikni qisqartirish, fuqarolar murojaatlari bilan ishlash hamda mahallada amalga oshirilayotgan ijtimoiy-iqtisodiy loyihalar yuzasidan deputatga batafsil ma’lumot berildi.Shuningdek, mavjud muammolar, ularni bartaraf etish bo‘yicha amalga oshirilayotgan ishlar hamda kelgusidagi ustuvor vazifalar muhokama qilindi.

Deputat tomonidan hokim yordamchisi faoliyatining samaradorligini yanada oshirish, aholi bilan manzilli ishlash va fuqarolar murojaatlarining o‘z vaqtida hal etilishini ta’minlash yuzasidan tegishli tavsiyalar bildirildi.