Xalq deputatlari Ishtixon tumani Kengashi deputati Kiyamov Nurali Kuvandikovich o‘z saylov okrugiga kiruvchi Xonaqo mahallasi fuqarolari bilan uchrashuv o‘tkazdi. Mazkur uchrashuv 42-umumiy o‘rta ta’lim maktabi binosida tashkil etildi.

🗣 Uchrashuv davomida deputat o‘zining amaldagi faoliyati, saylovchilar bilan ishlashdagi yondashuvi hamda yaqin istiqboldagi rejalar haqida batafsil axborot berdi.

✅ Xususan, quyidagi masalalarga alohida e’tibor qaratildi:

Mahalladagi infratuzilmani yaxshilash (yo‘llar, ichimlik suvi, ko‘chalar yoritilishi);

Ta’lim va sog‘liqni saqlash muassasalarining holatini yaxshilash;

Aholi, ayniqsa yoshlar va xotin-qizlar bandligini ta’minlash;

Murojaatlar bilan ishlashning ochiq va tizimli mexanizmlarini kuchaytirish.

📌 Fuqarolar tomonidan bildirilgan taklif va muammolar deputat tomonidan yozib olinib, ularni mutasaddi tashkilotlar bilan birgalikda hal etish yuzasidan choralar ko‘rilishi ma’lum qilindi.

🤝 Bunday ochiq muloqotlar xalq bilan yaqin aloqalarni mustahkamlash, muammolarni joyida hal etish va deputatlik faoliyatining ochiqligini ta’minlashga xizmat qilmoqda.