Xalq deputatlari Chilonzor tuman Kengashi deputati Shodmonov Shoxrux Oʼktamovich “Yakkatut” va “Boʼrijar” mahallalarida saylovchilar oldida 2024 yil 1-chorak davomida qilingan ishlar toʼgʼrisida axborot berdi.

Sh.Shodmonov faoliyati davomida saylovchilar bilan 6 marotaba uchrashuvlar oʼtkazilib, 17ta murojaat koʼrib chiqilganligi va ijobiy hal etilganligini aytib oʼtdi.

Jumladan, qish mavsumida issiqlik taʼminoti tiklanishi va elektroenergiya uzluksiz ishlashi boʼyicha doimiy nazorat oʼrnatgani, yertoʼlalar tozaligi, sovuq suv bosimi bilan bogʼliq muammolar bartaraf etilishi boʼyicha choralar koʼrgani to'g'risida gapirdi.

“Yakkatut” MFYda (48 va 49) koʼp qavatli uylar liftlari yangisiga almashtirib berilishida tashabbus koʼrsatgani va hozirda “Boʼrijar” MFY videokuzatuv kameralarini oʼrnatish boʼyicha ishlarni hal etish choralarini koʼrilayotgani haqida ma'lumot berdi. 

1, 2, va 8 uylar atrofida asfalt yotqizish masalasi yechish bosqichida turganligi va bu ishni shaxsiy nazoratga olganligini ham taʼkidlab oʼtdi.