Qo'rg'ontepa ayollari e'tirofda! 

Qo'rg'ontepa tumanidagi 57-maktabda 12-mart kuni bo'lib o'tgan "Sanamlar sarvari" tadbiri maktabda faoliyat yuritayotgan ayol xodimlar uchun unutilmas bayram tuhfasi bo'ldi. 

Tadbirda Xalq deputatlari tuman Kengashi deputati, tuman qaytaruv guruhi a’zosi "Qo'rg'ontepa tuman "Tadbirkor ayol uyushmasi" raisi M.Yuldasheva, UzLiDeP Qo'rg'ontepa tuman Kengashi apparat rahbari X.Abdurasulova va Ahmad Yassaviy mahalla fuqarolar yigini raisi ishtirok etishdi.

M.Yuldasheva o'z nutqida O'zbekistonda xotin-qizlarga yaratilayotgan keng imkoniyatlar, Prezidentimiz tomonidan qabul qilinayotgan qaror va farmonlar haqida batafsil ma'lumot berdi.

Tadbir yakunida Qo'rg'ontepa tuman Kengashi deputati M.Yuldasheva maktab xodimlarining siyosiy jarayonlardagi faolligi, xotin-qizlarning bilim ko'nikmalarini oshirishdagi tashabbuskorligi uchun minnatdorchilik bildirib, maktabga yangi rusumdagi rangli printer sovg'a qildi.