IJTIMOIY HIMOYAGA MUHTOJ OILALARNI QO‘LLAB-QUVVATLASH ISHLARI O‘RGANILDI  

Xalq deputatlari Quva tuman Kengashi
kotibiyati mudiri R.Nodirov, tuman Kengashi deputati D.Sodiqova hamda kotibiyat
bosh mutaxassisi M.To‘xtasinovlar tomonidan O‘zbekiston Respublikasi
Prezidentining 2026-yil 5-fevraldagi “2026-yilda hududlarni yangicha yondashuvlar
asosida rivojlantirish orqali aholi daromadini oshirish, barqaror ish
o‘rinlarini yaratish hamda kambag‘allikni qisqartirish chora-tadbirlari
to‘g‘risida” PQ-49-son Qarori ijrosi doirasida Sultonobod mahalla fuqarolar
yig‘inida amalga oshirilayotgan ishlar joyiga chiqqan holda o‘rganildi. 

O‘rganish davomida “Ijtimoiy himoya yagona reyestri”ga kiritilgan, tarkibida I guruh
nogironligi bo‘lgan shaxs istiqomat qilayotgan xonadonda yashash sharoitlarini
yaxshilash maqsadida amalga oshirilayotgan qurilish-ta’mirlash ishlarining
sifati va belgilangan muddatlarda yakunlanishi yuzasidan mas’ullarga tegishli
tavsiyalar berildi. 

Aniqlangan kamchiliklarni “Deputatning ko‘cha aylanish daftari”ga qayd etilib, qisqa
muddatlarda bartaraf etish hamda har bir xonadon kesimida amalga oshirilayotgan
ishlar ustidan tizimli nazoratni kuchaytirish lozimligi ta’kidlandi va
nazoratga olindi.