Xalq deputatlari Qo‘qon shahar Kengashi deputati F.Qaxxarovaning aholi bandligini ta’minlash va ijtimoiy qo‘llab-quvvatlash borasida yuborilgan murojaati yuzasidan Qo‘qon shahar Kambag‘allikni qisqartirish va bandlikka ko‘maklashish bo‘limi tomonidan rasmiy javob xati taqdim etildi.

Deputat so‘rovi asosida Qo‘qon shahar “Kalvak” MFY, A.Yassaviy ko‘chasi 1-A uy, 29-xonadonda istiqomat qiluvchi fuqaro Shermatova Zilolahonning bandligini ta’minlash va ijtimoiy holatini yaxshilash masalasi joyiga chiqib o‘rganildi.

Murojaatni o‘rganish natijasida fuqaro Z.Shermatova Qo‘qon davlat pedagogika institutining psixologiya mutaxassisligi bo‘yicha tahsil olganligi, hozirda kambag‘allik reestrida turishi hamda 9-sonli maktab-internatga ishga joylashishda amaliy yordam so‘raganligi inobatga olinib, uning mutaxassisligi va mehnat bozoridagi bo‘sh ish o‘rinlari atroflicha o‘rganib chiqildi.

Taqdim etilgan javobda fuqaroning oliy ma’lumotli psixolog ekanligi e’tiborga olinib, Qo‘qon shahridagi umumta’lim muassasalari, shu jumladan 9-sonli maktab-internatda bo‘sh ish o‘rinlari bo‘yicha ko‘maklashish choralari belgilanganligi ma’lum qilindi. Shuningdek, uning kasbi va malakasiga mos boshqa vakansiyalar ham taklif etilishi va bandligi to‘liq ta’minlanishi bo‘lim tomonidan nazoratga olindi.

Mazkur masala deputat nazoratida bo‘lib, fuqaro Z.Shermatovani ish bilan ta’minlash va unga amaliy ko‘mak ko‘rsatish borasidagi ishlar izchil davom ettiriladi.

Xalq deputatlari Qo‘qon shahar Kengashi