19¹-modda
🏫 DEPUTATLIK NAZORATI: GULISTON MAHALLASIDA 90 O‘RINLI YANGI BOG‘CHA BUNYOD ETILMOQDA

📍 Xalq deputatlari Sherobod tumani Kengashi kotibiyati mudiri O. Tursunov tomonidan 5-Guliston–Galaguzar saylov okrugi deputati O. Umarovning saylov okrugiga qarashli “Guliston” mahallasida amalga oshirilayotgan bunyodkorlik ishlari o‘rganildi.

🏗 Xususan, O‘zbekiston Respublikasi Prezidentining 2024-yil 28-martdagi PQ-141-son qaroriga muvofiq, Islom taraqqiyot banki ishtirokida amalga oshirilayotgan “Qishloq joylarni kompleks rivojlantirish” loyihasining 2-bosqichi doirasida yangidan barpo etilayotgan 90 o‘rinli davlat maktabgacha ta’lim tashkilotining qurilish va jihozlash jarayonlari ko‘zdan kechirildi.

🔎 O‘rganish davomida obyektda olib borilayotgan qurilish ishlari, binoning jihozlanishi hamda ishlarning loyiha talablariga muvofiqligi holatiga e’tibor qaratildi.

📌 Mas’ullarga qurilish va jihozlash ishlarini sifatli tashkil etish hamda belgilangan muddatlarda, o‘z vaqtida yakunlash bo‘yicha tegishli tavsiyalar berildi.

👧🏻👦🏻 Mazkur maktabgacha ta’lim tashkilotining foydalanishga topshirilishi mahalla bolalari uchun zamonaviy va qulay ta’lim-tarbiya sharoitlarini yaratishga xizmat qiladi.

Xalq deputatlari Sherobod tumani Kengashi kotibiyati matbuot xizmati.
Bizni kuzatishda davom eting👇
Telegram | Facebook | E-Kengash | Instagram | YouTube