❇️ Xalq deputatlari Bag‘dod tumani Kengashining "14-A.Ikromov" saylov okrugi deputati D.Xamraqulov tomonidan “Amirobod” mahalla fuqarolar yig‘ini hududidagi “Obod”, “Ozodlik” hamda “Tinchlik” ko‘chalarida joylashgan mavjud 3 ta suv minorasini ishga tushirish yuzasidan 2026-yil 19-avgust kuni 65-ds-287-26-sonli deputat so‘rovi yuborilgan edi.

❇️ Mazkur deputat so‘roviga Bag‘dod tumani hokimining o‘rinbosari U.Yigitaliyev tomonidan rasmiy javob xati taqdim etildi.

❇️ O‘rganishlar davomida “Amirobod” MFY hududidagi “Obod”, “Ozodlik” hamda “Tinchlik” ko‘chalarida joylashgan, “Farg‘ona suv ta’minoti” AJ Bag‘dod tumani bo‘limi tasarrufidagi ichimlik suvi inshootlari hozirgi kunga qadar ishchi holatga keltirilmaganligi aniqlangan.

❇️ Mazkur suv inshootlarining ishga tushirilmaganligiga ko‘rsatilgan xizmatlar uchun to‘lovlarning o‘z vaqtida amalga oshirilmaganligi sabab bo‘lganligi ma’lum qilindi.

❇️ Shu bilan birga, aholini ichimlik suvi bilan ta’minlashni yaxshilash hamda 2026–2027-yillar kuz-qish mavsumini betalafot o‘tkazish maqsadida “Farg‘ona suv ta’minoti” AJ Bag‘dod tumani bo‘limi tomonidan mazkur ichimlik suvi inshootlarida ichki mablag‘lar hisobidan ta’mirlash-tiklash ishlari olib borilishi belgilangan.

❇️ “Farg‘ona suv ta’minoti” AJ Bag‘dod tumani bo‘limi ma’lumotiga ko‘ra, “Obod”, “Ozodlik” hamda “Tinchlik” ko‘chalaridagi 3 ta suv inshootida ta’mirlash-tiklash ishlari 2026-yil IV choragi yakuniga qadar amalga oshirilishi ma’lum qilindi.