Xalq deputatlari Bo‘stonliq tumani Kengashning 2026-yilga mo‘ljallangan ish rejasiga muvofiq O‘zbekiston “Adolat” sotsial-demokratik partiyasidan saylangan deputat M.Ashurov va kotibiyat xodimi N.Kurganova tomonlaridan tumanning “Navro‘z” mahallasiga birikitirilgan ijtimoiy xodim Sh.O‘rmanovaning faoliyati, aholiga ijtimoiy xizmatlar ko‘rsatish, ehtiyojmand fuqarolarni aniqlash va ularni qo‘llab-quvvatlash borasida amalga oshirayotgan ishlari o‘rganildi.

🔺O‘rganish jarayonida mahallada ijtimoiy himoyaga muhtoj, alohida e’tibor va ko‘makka ehtiyoj sezadigan fuqarolar bilan ishlash holatiga alohida e’tibor qaratildi. Xususan, mahallada nogironligi bo‘lgan 96 nafar fuqaro istiqomat qilishi ma’lum bo‘ldi. Shuningdek, mahalladagi aholining ijtimoiy holatini baholash va manzilli ijtimoiy yordam ko‘rsatish maqsadida 68 nafar fuqaro ijtimoiy reyestrga kiritilgan. Ayni paytda yana 28 nafar fuqaroni ijtimoiy reyestrga kiritish masalasi bo‘yicha zarur ma’lumotlar to‘planmoqda.

🔺Deputat tomonidan mazkur jarayonda fuqarolarning ijtimoiy holatini xolisona o‘rganish, ularning ehtiyojlarini to‘g‘ri baholash va haqiqatan ham yordamga muhtoj bo‘lgan shaxslarni belgilangan tartibda ijtimoiy reyestrga kiritish muhimligi ta’kidlanib, aniqlangan muammolarni tegishli tashkilotlar bilan hamkorlikda hal etish va ijtimoiy xizmatlarni har bir ehtiyojmand fuqaroga manzilli yetkazish bo‘yicha tavsiyalar berdi.