Deputatlik nazorati — davlat dasturlarida belgilangan vazifalarning amalda va sifatli bajarilishini ta’minlashning muhim vositasidir.

Xalq deputatlari Muzrabot tumani Kengashi kotibiyati mudiri Dilmurod Sherboyev hamda kotibiyat bosh mutaxassisi B. Xoliqov hamkorligida Xalq deputatlari Muzrabot tumani Kengashining 24-“Navbahor” saylov okrugidan saylangan deputat A. Suvanov saylov okrugiga qarashli “Tong yulduzi” mahallasida davlat dasturlari doirasida amalga oshirilayotgan infratuzilma loyihalarini deputatlik nazorati tartibida o‘rgandi.

O‘zbekiston Respublikasi Prezidentining 2026-yil 5-fevraldagi PQ–49-son qarori asosida tumandagi og‘ir toifadagi mahallalarda aholi turmush sharoitini yaxshilashga qaratilgan qator loyihalar amalga oshirilmoqda.
“Tong yulduzi” mahallasida:
✅ 150 kVt quvvatli artezian qudug‘i uchun quyosh panellari o‘rnatish;
✅ 1,9 km ichki yo‘lni asfaltlash;
✅ 3,5 km piyodalar yo‘lagi barpo etish ishlari belgilangan.

🔎 Deputatlik nazorati davomida loyihalarning borishi, ishlarning sifati, belgilangan muddatlarga rioya etilishi hamda yakuniy natijaning aholi manfaatlariga mosligi atroflicha ko‘zdan kechirildi.

Ayni paytda artezian qudug‘ini elektr energiyasi bilan ta’minlash uchun quyosh panellarini o‘rnatish ishlari yakunlangan bo‘lib, elektr ta’minotiga ulashga tayyorgarlik ko‘rilmoqda.

Shuningdek, qolgan ishlarni ham belgilangan muddatlarda sifatli yakunlash, yuzaga kelishi mumkin bo‘lgan muammolarni o‘z vaqtida bartaraf etish va loyihalarning amaliy samarasini ta’minlash masalalariga alohida e’tibor qaratildi.

Natijada mahallada ichimlik suvi ta’minoti barqarorlashishi, ichki yo‘llar va piyodalar infratuzilmasi yaxshilanishi, aholi uchun yanada qulay yashash sharoitlari yaratilishi ko‘zda tutilgan.