O‘zbekiston “Milliy tiklanish” demokratik partiyasi Andijon viloyati Kengashi tomonidan “Siyosatchi ayollar klubi”ning 2026-yil birinchi yarim yillik faoliyati yakunlariga bag‘ishlangan hisobot yig‘ilishi o‘tkazildi.

Yig‘ilish davomida klubning yarim yillik faoliyati sarhisob qilinib, amalga oshirilgan ishlar, erishilgan natijalar hamda kelgusida amalga oshirilishi lozim bo‘lgan vazifalar muhokama qilindi.

Tadbirda Xalq deputatlari Andijon shahar Kengashi deputati Dildora Rahmatullayeva ishtirok etib, so‘zga chiqdi.

Deputat o‘z nutqida xotin-qizlarning jamiyatdagi ijtimoiy-siyosiy faolligini yanada oshirish, ularning tashabbuslarini qo‘llab-quvvatlash hamda siyosiy jarayonlarda faol ishtirokini ta’minlash muhimligini ta’kidladi.

Yig‘ilish yakunida “Siyosatchi ayollar klubi” faoliyatini yanada rivojlantirish, xotin-qizlarning siyosiy faolligini oshirish va yangi tashabbuslarni ilgari surish bo‘yicha ustuvor vazifalar belgilab olindi.