#deputatlik_nazorati_Uchtepa #Hamkorlik_faoliyati #295_maktab

YOSHLAR — XAVFSIZLIK MADANIYATINING FAOL TARG‘IBOTCHILARI!

🇺🇿 Bugun O‘zbekiston Respublikasi Favqulodda vaziyatlar vaziri Aziz Ikromov hamda xalq deputatlari Uchtepa tumani Kengashining “16-Algoritm” okrugi deputati, tuman hokimi Bunyod Mamadjanov saylov okrugi hududidagi 295-sonli umumta’lim maktabida bo‘ldilar.

🚨 Tashrif davomida maktabda yosh avlodning favqulodda vaziyatlarning oldini olish, xavfsizlik qoidalariga rioya qilish hamda zarur holatlarda to‘g‘ri va tezkor harakat qilish ko‘nikmalarini shakllantirish maqsadida tashkil etilgan “Yosh qutqaruvchi” hamda “Volontyor koordinator” xonalari faoliyati bilan yaqindan tanishdilar.

🏫 Mazkur xonalar o‘quvchilarning favqulodda vaziyatlarda harakat qilish bo‘yicha nazariy bilimlarini mustahkamlash, amaliy ko‘nikmalarini rivojlantirish va yoshlarni ko‘ngillilik faoliyatiga keng jalb etishda muhim ahamiyat kasb etadi.

🤝 Tashrif davomida yoshlar bilan ishlash, ularning xavfsizlik madaniyatini oshirish, favqulodda vaziyatlarning oldini olish borasida targ‘ibot-tushuntirish ishlarini kuchaytirish masalalariga alohida e’tibor qaratildi.

📇 Yosh avlodga nafaqat bilim berish, balki ularni hayot xavfsizligi, mas’uliyat va fuqarolik faolligi ruhida tarbiyalash — bugungi kunning muhim vazifalaridan biridir. “Yosh qutqaruvchi” va “Volontyor koordinator” kabi tashabbuslar o‘quvchilarni faol, mas’uliyatli va jamiyat xavfsizligiga befarq bo‘lmagan yoshlar etib tarbiyalashga xizmat qiladi.